Білім бөлімі қызметкерлерінің телефондары
II қалалық «Қасым оқулары»

Қалалық білім бөлімі әдістемелік кабинетінің жылдық жоспарына сәйкес 02 ақпан «№92 гимназия» КММ базасында қала күні мерекесі қарсаңында II қалалық «Қасым оқулары» өтті. Байқаудың мақсаты - Қазақстан Республикасының  «Білім туралы», Қазақстан Республикасындағы «Тіл туралы»  Заңдарын және «Болашаққа бағдар: рухани жаңғыру» бағдарламасын жүзеге асыру мақсатында, сонымен қатар, жас ұрпақты жерлес ақынымыз Қасым Аманжоловтың рухани мұрасына деген сүйіспеншілікке тәрбиелеу.
Биылғы жылы Қасым оқуы 5 бағытта жүргізілді:
1-бағыт. «...Өзге емес, өзім айтам өз жайымда...» Қасым шығармаларын жатқа оқу. 2-бағыт. «Жыры қалды жүректе жарқылдаған. Үні қалды құлаққа саңқылдаған...»  Қасым өлеңдеріне  шығарылған әндерді орындаушылардың байқауы. 3-бағыт. «Жүйріктен жүйрік озар жарысқанда» – жас дарындар байқауы. 4-бағыт. «Болдым  ғашық  туған далам мен саған...» Ақынның туған жері, Қарағанды өлкесі туралы бейнежоба байқауы. 5-бағыт «Нұрлы дүние-думанды елім...» Эсселер байқауы. Эсселер байқауына тек 11-сынып оқушылары қатыстырылды. 
 Жеңімпаздар білім бөлімінің дипломдарымен марапатталды. Қатысушыларға «Қасым журналы» редакциясы ұсынған журналдар таратылды.
 Байқаудың әр бағыты бойынша оқушы дайындап, жақсы нәтиже көрсеткен білім беру ұйымдары мен жетекшілеріне алғыс білдіреміз және жеңістерімен құттықтаймыз!

Авторство: