Изучаем казахский язык

ренжу
огорчаться
Вопрос-ответ
Всего ответов: 14
Новых вопросов: 10

"ЭКСПО - 2017"

    Экспо 2017 — 2017 жылдың 10 шілдесінен бастап 10 қыркүйегіне дейін Қазақстанның елордасы Астана қаласында Халықаралық көрмелер бюросымен (ХКБ) ұйымдастырылатын Халықаралық көрме. Ұйымдастырушылармен таңдалған тақырып Future Energy (Болашақ қуаты) болып табылады.    

     EХРО-2017 көрмесінің «Болашақтың энергиясы» тақырыбы ең үздік әлемдік энергия сақтау технологиясын, күн, жел, теңіз, мұхит және термалды су тәрізді бүгінде бар баламалы энергия көздерін пайдалануда жаңа әзірлемелер мен технологияны пайдалануға мүмкіндік береді. Астана осы саладағы ең үздік әлемдік әзірлемелер мен трендтер көрсету үшін тиімді алаңға айналуы мүмкін. Көрме сондай-ақ елдің өндірістік қуаты мен ғылыми базасын технологиялық жаңғырту және экономиканы жүйелі әртараптандыру үшін қуатты серпін береді.     Астанадағы ЕХРО-2017 көрмесі ТМД елдері мен Орталық Азия аумағындағы өткізілетін ең алғашқы халықаралық деңгейдегі көрмеге айналуы мүмкін. EXPO-2017 халықаралық көрмесін Астанада өткізу - Қазақстанның негізгі жобаларының бірі. Мұндай ауқымды шараны еліміздің астанасында ұйымдастыру туралы Мемлекет басшысы бастама көтерді.     

    2011 жылғы 10 маусымда Париждегі Халықаралық көрмелер бюросының (ХКБ) Бас хатшысы Винсенте Гонсалес Лоссерталеске Қазақстан Республикасының ресми өтінімі тапсырылды. Сол сәттен бастап біздің республикамыз Астанада ЕХРО-2017 көрмесін өткізу жөніндегі сайлау науқанына ресми тұрғыда кірісті. 2012 жылғы 14 наурызда Мемлекет басшысы Қазақстанның елордасында ХКБ-нің сарапшылар комиссиясымен кездесу өткізіп, оның аясында ЕХРО-2017 көрмесін өткізу біздің еліміз үшін ұлттық жоба болып табылатынын ерекше атап өтті. 2012 жылғы 12 маусымда Париждегі Халықаралық көрмелер бюросының Бас ассамблеясының 151-ші отырысында Астананың ресми таныстырылымы болып өтті. Жиынның басында делегаттарға Қазақстан Президентінің арнайы бейнеүндеуі жолданды. Нұрсұлтан Назарбаев өз сөзінде Астана жеңіп шыққан жағдайда, жобаның табысты жүзеге асырылуы үшін барынша күш-жігерін жұмсайтынына жеке кепілдік берді.   

    Астана ұсынған көрменің тақырыбы «Болашақтың энергиясы» деп аталады, ол баламалы энергия көздеріне және «жасыл» технологияға арналған.2012 жылғы 22 қарашада ХКБ-ге мүше 161 елдің өкілдерінің жасырын дауыс беру барысында Астана EXPO-2017 халықаралық мамандандырылған көрмесі өтетін орын болып таңдалды. Астананың өтінімін 103 ел қолдады.        ЕХРО-2017 ТМД елдерінде өтетін алғашқы көрме болмақ. Астанадағы бүкіләлемдік көрме 3 айға дейін жалғасатын болады. Оған әлемнің 100-ге жуық елі және 10 халықаралық ұйым қатыса алады. Көрмеге 5 миллионнан астам адам қатысады деп күтіліп отыр.     

    2012 жылғы 26 қарашада Мемлекет басшысы «ЭКСПО-2017 Халықаралық мамандандырылған көрмесін дайындау мен оны өткізу жөніндегі мемлекеттік комиссия құру туралы» №436 Жарлыққа қол қойды.   

    «ЭКСПО-2017 » көрмесі - жаһандық ауқымдағы оқиға. Ол маңыздылығы жағынан ірі экономикалық форумдармен, туристік  тартымдылығы бойынша әлемдегі ең танымал спорттық ойындармен салыстыруға болады. Көрме біздің елімізге ірі инвестиция тартуға мүмкіндік туғызады. Сондай-ақ ЭКСПО көрмесін өткізу арқылы Қазақстан «жасыл экономиканы» дамытуға тікелей септігін тигізетін жаңа технология мен инновация алады, - деді Мемлекет басшысы.   Қазақстан Президенті елдің көрме тақырыбына тығыз байланысты бастамаларының көп екенін атап өтті. Бұлар - энергиялық-экологиялық стратегия, «жасыл көпір» және «жасыл өсім» стратегиялары.       

    Мемлекет басшысы Қазақстан азаматтары ЕХРО-2017 көрмесі қажетті шара екенін түсінуі керек екендігін айтты. Осы орайда бүгінде ЭКСПО ұлттық идеядан ұлттық жобаға ауысқандығы атап өтілді. Бұл оқиғаны біз қатысатын халықаралық алаңдардың бәрінде, әлемдік деңгейде насихаттауды қамтамасыз ету керек деді.

  

 

    "ЭКСПО - 2017" халықаралық мамандандырылған көрмесін ұйымдастырудың және өткізудің 2013 - 2018 жылдарға арналған ұлттық жоспарына сәйкес мектептің I қабат фойесінде ақпараттық бұрыш ұйымдастырылды.

 

    2014 жылдың қараша айының 28-і күні  қаланың   №9 гимназиясында өткен халықаралық “Экспо-2017” инновациялық жобаға қатысқан 10 сынып оқушылары  Жанұзақов Дәуірбек ,Санақ Елнұр , Талкенова Фатима «Күн батареясынан алынатын жылу» тақырыбында жобасын қорғап ерекше жаңалығымен әділ-қазы мүшелерін таңқалдырып сертификатқа ие болды , жоба жетекшісі физика пәнінің мұғалімі Қайыркелдина Сүмбілшаш  Қайыркелдіқызы.    « Экспо-2017 » инновациялық жобасының « Сурет байқауына » 9 сынып оқушылары  Толеу Алмас, Жексенова Камила , Касенова Аяулым қатысып  І,ІІ ,ІІІ  дәрежелі дипломмен марапатталды, жетекшісі физика, математика пәнінің мұғалімі Аманжолова Айгуль Есенжоловна.

    Күзгі демалыс кезінде мектеп оқушыларымен флешмоб ұйымдастырылып, спорт түрлерінен жарыстар өткізілді. Барлығы 285 оқушы қамтылды.