Изучаем казахский язык

Аш құлақтан тиыш құлақ.
Пусть в желудке пусто, зато ушам спокойно.
Вопрос-ответ
Всего ответов: 142
Новых вопросов: 4

Для Вас-родители!

Отбасы-тәрбие бастауы

«Ұл тәрбиелей отырып,жер  иесін  тәрбиелейміз,\

Қыз  тәрбиелей отырып, ұлтты тәрбиелейміз»

Отбасындағы тәрбие әрбір мүшенің өзін-өзі  сақтау, ұрпақты жалғастыру және өзін- өзі сыйлау қажеттігінен туындайды. Отбасында адамның жеке басының қасиеті  қалыптасады.

Отбасының  негізгі  міндеттері:

1)Баланың  өсіп, дамуына толық  жағдайлар  жасау;

2)Балаға  әлеуметтік- экономикалық және психологиялық қорғаушы  болу;

3)Өз халқының этно мәдениетінің тәжірибесін ауыстыру;

4)Баланың адамгершілігін дамытуға мүмкіндік жасау;

Отбасылық тәрбиенің  негізгі принциптері:

1)Өсіп келе жатқан адамға  қайрымдылық және  мейрімділік көрсету;

2)Балаларды отбасы  өміріне  енгізу, ақылшы  ретінде қарау;

3)Балалармен ашық және  сенімділік қарым –қатынас жүргізу;

4)Талап  қоюда жүйелілік  жасау;

5)Өзінің баласына шамасына  қарай көмек  жасау,сұрақтарға жауап  беруге  дайындалу.

Отбасы –адамзат қоғамының ең шағын  бейнесі. Қоғамда  отбасы екі  қызмет  атқарады, оның  бірі – дүниеге ұрпақ  әкелу, екіншісі- дүниеге  келген сәбиді пәндік  жағынан дамытуды қамтамасыз етіп, өмір бойы  рухани жағынан жетілдіріп, оны тұлға ретінде қалыптастыру.Бала әрқашанда ата-анадан жүрек  жылуын ,  мейрімділікті қажет  етеді.Бала  үшін  ата-ана игілік  жасаушы, үлгі  өнеге көрсетуші және  ақыл  кеңес айтушы болып  танылады.

Отбасы- адам баласының өсіп- өнер , қаз тұрып, қанат қағар ұясы, алтын  бесігі

Ата-аналарға кеңес:

1.Баланың әр күнді бастауы, қарсы  алуы сәтті болу керек: ол үшін таңертең  баланы  оятқанда жайлы, бппен оятыңыз, ол  сіздің  күлімдеп, мейріммен өте  жақсы көріп тұрғаныңызды сезу керек.Кешегі  күні ескерту  жасасаңызда, балабақшаға  жіберер алдында балаға «байқа, бұзық  болма»,»өзіңді  жақсы ұста» сияқты  сөздерден  аулақ  болыңыз.

2.Балаға сабаққа  барар  алдында сенімділік  пен  сәттілік  тілеңіз.

3.Бала  мектептен  келгенде бірден  сұрақтар қойып  қарсы  алмау  керек.

4.Бала  бірдеңе  айтқызы  келсе, қарсы  болмай  тыңдау  керек.

5.Бала  ренжіп отырса, себебін өзі  айтқанша  асықпаңыз.

6.Балаңызға  қатты  дауыспен сөйлемеңіз, баланың  жүйке  жасаушасына тежелу  болады.