Изучаем казахский язык

Көне, ескі
древний.
Вопрос-ответ
Всего ответов: 95
Новых вопросов: 0

«Жүрек жылуы» тақырыбында қамқоршылармен кездесу

«Жүрек жылуы» тақырыбында қамқоршылармен кездесу өткізілді

     «Жетім көрсең жебей жүр» деген дана халқымыз. Осы қағиданы ұстану бүгінгі қоғамда әркімнің қолынан келе бермесі анық. Дегенмен де, бесіктен белі шықпай, бекімей жатып жетім атанғандарды қамқорлығына алып, отбасының жылулығын сезіндіріп, қоғамға басқаша көзқарас қалыптастыратын, алтын жүректі батыр адамдар да бар. Оларды қамқоршы (қорғаншылар) деп атаймыз.  29 – қазан, «Қамқоршылар» күніне орай ата-анасының қамқорлығынсыз қалған балаларды тәрбиелеп жатқан қамқоршыларды қолдау, мәртебесін арттырып, оларға демеу көрсету мақсатында мектебімізде «Жүрек жылуы» атты қамқоршылармен кездесу ұйымдастырылды. Кездесуге мектебіміздегі қорғаншылықтағы алты баланың қамқоршылары, сынып жетекшілері, мектеп мұғалімдері қатысты. Мектеп әкімшілігі ата- ананың қамқорлығынсыз қалған балаларға қамқоршы болып жүрген ата-аналарды мерекелерімен құттықтап, осындай жауапты істі қолға алғандары үшін алғыс айтып, мықты денсаулық тіледі, мектеп директорының алғыс хатымен марапаттады және осы кездесу кешінен естелікке сыйлықтар табысталды. Қорғаншылар атынан Райхан, Тана, Умит апайларымыз  сөз сөйлеп, өз ойларымен бөлісті. Ұйымдастырушыларға, мектеп ұжымына алғыстарын білдірді. Құрбан айт мерекесімен тұспа тұс келуіне орай қамқоршыларға арналып ақ дастархан жайылды. Кездесу соңы  концеттік бағдарламамен жалғасты. Құрманғазының «Балбырауын» күйі тартылып, оқушылардың орындауында «Менің әжем», «Нағашыма» өлеңдері тыңдалды.  Есенғалиева Томиристің орындауындағы «Абзал ана» әні көрермен көңілінен шығып, ерекше ықыласқа ие болды. Қамқоршыларды қолдап өткізіліп жатқан осындай шаралардың тәрбиелік маңызы зор деп айтуға болады.

 

                                              Әлеуметтік педагог Б.Қ.Тусупкалиева