Изучаем казахский язык

Ақ
белый
Вопрос-ответ
Всего ответов: 56
Новых вопросов: 14

Құрметті ата – ана!

          Мектепалды жасқа келген баланың білім алуға, дамуға деген қабілеттері өте зор болады. Өйткені, бұл өзі адамның табиғатына тән танымдық және Әлемді зерттеушілік мүмкіншіліктері. Оны тек дұрыс пайдалану және дамыту қажет. Балаға осы танымдық, білімге ынтазарлық қабілеттерін көріп, пайдалануға көмектесу керек. Бұған уақытты жұмсауға қорықпаңыз және ерінбеңіз. Өйткені, еңбегіңіз мың ысе қайтарылады. Сіздің бүлдіршініңіз мектеп табалдырығын өз күшіне сеніп, білім алудан қорғаламай аттайтын болады. Ал білім алу ол үшін ауыр және қызықсыз міндет болып көрінбейді.

          Ісіңіз алға басу үшін мынадай жәйтті ескере отыру керек: Балаңыз оқу кезінде жалықпауға тиіс. Егер ол көңілді күйде болса, білім алу үрдісі ол үшін ұнамды болса, бала үлкен жетістіктерге жетіп, жақсы нәтиже көрсете алады. Өйткені, білім алуға деген ынта – ықылас баланы шынымен творчестволық тұлғаға айналдырады, интеллектуалды тапсырмалар оған өз мүмкіншіліктерінен үлкен ризашылық сезінуге көмектеседі.

Ø   Жаттығуларды бірнеше мәрте қайталап отыру қажет. Баланың ойлау және танымдық қабілеттерінің дамуына үлкен тәжірибе мен уақыт қажет. Егер бір жаттығулар басынан орындалмай жатса, бірер уақыт өткен соң, оған қайтадан басқа, мүмкін жеңілдірек түрде  оралып отыру керек.

Ø   Егер баланың алға басқан қадамдары Сіз үшін өте ақырын көрінеді, көзінше бұл пікіріңізді айтуға керек емес, өйткені, ол баланың білімге деген ынтасын төмендеткен мен қатар оның өз күшіне сеніміздікті тұғызады. Шыдамды болыңыз, асықпаңыз, баланың мүмкіншіліктерінен асатын тапсырмалар бермеңіз. Өйткені, бұл да баланы білім алудан шошындырып жіберуге бар.

Ø   Мектепалды баланы оқытуда мәреден аспауға тырысу керек. Егер бала шаршады, көңілсіз отыр, одан тапсырмаларыңызды орындауды талап етпеңіз. Оның мүмкіншіліктерінің мөлшерін анықтап алып, әр жаттығу сайын мерзімін ақырындап көбейтіп отыруға тырысыңыз. Өзіне ұнамды іспен айналысуға көбірек мүмкіншілік беріңіз.Мектепалды жастағы балалар ұзақ, қызығы шамалы, қайталана беретін тапсырмаларды нашар қабылдайды. Сондықтан тапсырмаларды ойын түрінде өткізіп отыру жөн.

Ø   Балада ұйымшылдық, бірлесіп еңбектену,достастық рухын тәрбиелеуге тырысыңыз. Басқа балалармен дос болуға, бір – біріне көмек көрсетуге, жақсылық пен жамандықты бөлісіп отыруға үйретіңіз. Өйткені, ертеңгі мектеп қабырғасында, жаңа әлеуметтік ортада, бұл қасиеттер оған үлкен көмек көрсетеді.

Ø   Балаға қолынан келмей жатса ұрыспауға тырысыңыз. Керісінше, ол үшін көбірек мақтау сөздер табыңыз. Көбінесе шыдамдылығына назар уадарып, оны көтермелеп отырыңыз. Басқа балалардың алдында баланың кемістіктерін жария етпеңіз, басқалармен көзінше салыстырып, оларды мақтап отырмаңыз: баланың өз күшіне деген сенімділігін кемітпей, керісінше арттыруға тырысыңыз.

Ø   Ал ең бастысы, баламен жұмысты өзіңіз үшін бір ауыр іс деп есептеуден бас тартыңыз. Керісінше, жас бүлдіршінмен араласуды өзіңіз үшін бір үлкен және қызық та қанағаттанарлық іс деп есептуіңіз жөн.  Есіңізде болсын, Сізге бұл балаңызбен шынайы достасуға үлкен мүмкіншілік туған жәйт.