Қарағанды қаласы әкімдігінің "Қарағанды қаласының…
"№17 ЖББОМ" КММ

Изучаем казахский язык

Алдымен, әуелі
сначала, сперва.
Вопрос-ответ
Всего ответов: 110
Новых вопросов: 3

Алаштың асыл арысы

АЛАШТЫҢ АСЫЛ АРЫСЫ

(Әлихан Бөкейхановтың 150 жылдығына орай өткізілген дөңгелек үстел сценарийі)

Мақсаты:халқымыздың біртуар азаматы, ұлт азаттығын көксеген Ұлт Көшбасшысы, мемлекет және қоғам қайраткері, ғалым, публицист – Әлихан Нұрмұхамедұлы Бөкейхановтың өмірі мен шығармашылығын кеңінен насихаттау, өскелең ұрпақтың бойына ұлтжандылық сезім ұялату.

Көрнекіліктер:интерактивті тақта /тұсаукесерлер көрсету/, баспасөз материалдары.

1. Кіріспе сөз:/оқытушының сөзі, бірінші келген қонақтармен таныстырып өтеді/

 

Шайқалды сан мәрте

 Елімнің тұнығы.

Қазағым, асылым –

Көк түрік сынығы.

Торлап ап тұрғанда

Ұлтымды азап-мұң,

Оятпақ болыпты

Ұлдары қазақтың.

Әлихан, Мұстафа, Ахмет, Міржақып

Орнатпақ болыпты

Халқына нұр бақыт.

Күресті атсын деп,

 Елінің ақ таңы.

Алаштың айбынды,

Асылдай ұлдары,

Зиялы, жүректі,

Қорғаны тұлғалы

Сын жерде елінің намысын сатпады.

 


Құрметті  оқушылар, биыл Алаштың Арысы – Әлихан Бөкейханұлының туғанына 150 жыл толып отыр. Осыған орай  ұлт жанашырының саяси-қоғамдық  қызметін сөз ету мақсатында дөңгелек үстелге жиналып отырмыз.

Дүбірлетсін өңірді,

Дүбірлетсін дүлдүлі.

Қазақ деген елімнің

Құтты болсын бұл күні!

2. Дөңгелек үстелімізді бастамас бұрын Ә.Бөкейхановтың өмірі жайлы бірер сөз. /тақтадағы 1-слайдқа назар аударамыз, оқушылар білгенін ортаға салады/.

3. Дөңгелек үстелдің мақсатына тоқталып өту: Қазіргі таңда ұлтымыздың өткеніне үңіліп, болашағын бағдарлауға жол ашылды. Бүгінгі дөңгелек үстелдің мақсаты – сол ұлтының қамын ойлап, елім, жерім деп еңіреген, ұлтшыл емес – ұлттық сана-сезімі ерекше тұлға Әлихан Бөкейханұлының саяси қызметі жайлы әңгімелесу, еңбегін насихаттау.

4. Дөңгелек үстелде талқыланатын сұрақтар:

1. Ә.Бөкейхановтың қоғамдық-саяси әрекеттері.

2. Ә.Бөкейханов Қазан төңкерісінен не күтті?

3. Алашорда

4. Саяси қуғын

5. Алаш қайраткерлерінің арманы орындалды ма?

/әрбір сұрақтың алдында слайд көрсетіледі, сұрақ бойынша оқушылар пікірін ортаға салады/

Қорытынды: құрметті оқушылар,бүгінгі дөңгелек үстеліміз өз мәресіне жетті.Ғұлама ғалым, ормантанушы, экономист, мал шаруашылығын зерттеуді ғылыми жолға қоюшы, тарихшы, этнограф, әдебиеттанушы, аудармашы  әрі публицист, қазақ халқының саяси- әлеуметтік, мәдени, рухани тарихында өшпестей із қалдырған ұлы тұлғаның еңбегін ақтап, Қазақ Елін  Мәңгілік Ел ету еліміздің болашағы – сендердің қолдарыңда. Сөзімді дана Абайдың өлең  жолдарымен аяқтағым келеді:

Білімдіден шыққан сөз,

Талаптыға болсын кез.

Нұрын, сырын көруге

Көкірегінде болсын көз.

 

Назарларыңызға рахмет! Сау болыңыздар!